Evitar caer na trampa do Mutilvera, obxectivo do Pontevedra na súa estrea en Pasarón
Por Diego Espiño
O Pontevedra quere facer bo o empate da primeira xornada en Guijuelo, e para iso necesita vencer este domingo (18:00 horas) no Estadio Municipal de Pasarón ao Mutilvera navarro.
Os granates estréanse ante a súa afección contra un rival recentemente ascendido pero "complicado, que sobre todo a balón parado fai moito dano", recoñece Luisito.
O técnico quere evitar verse sorprendido polo cadro navarro nunha partido trampa, no que espera que o Mutilvera "ceda o balón, vainos esperar á contra e nas xogadas a balón parado, iso nós o sabemos", asegura, polo que "temos que ser fieis ao noso estilo" e, sobre todo, "non xogar ao ritmo deles".
Sairá por tanto o Pontevedra a por o partido, e farao con todo o seu arsenal dispoñible. Luisito convocou a todos os futbolistas do primeiro plantel, incluído Iker Alegre que evolucionou máis rápido do esperado da súa lesión de xeonllo, aínda que a súa participación segue sendo dubidosa. Unha vez no estadio o adestrador granate fará descartes para conformar a convocatoria de 18 futbolistas.
Quere o preparador "facer de Pasarón un estadio complicado para todos os rivais", e iso pasa por tamén por ofrecer boa imaxe diante dunha afección ansiosa xa por ver as evolucións do seu equipo e das novas incorporacións.
O colexiado designado para o encontro é o asturiano Pablo Fernández Pérez.
Relacionadas:
-
Sufrir para terminar goleando: O Pontevedra supera con claridade ao Mutilvera en cinco minutos de inspiración (3-0)
Por Ramiro Espiño & Diego Torrado |
-
VÍDEO.- Resumo do partido Guijuelo - Pontevedra C.F. (1-1)
Por Redacción |
-
Chegar e bicar o santo: Mateu Ferrer consegue o gol do empate do Pontevedra en Guijuelo (1-1)
Por Redacción |
-
Mario Barco e Mateu Ferrer, unha parella de dianteiros que promete "ilusión y trabajo"
Por Diego Espiño |
-
Kevin Presa "se queda en el Pontevedra" tras renovar o seu contrato para as dúas próximas tempadas
Por Diego Espiño |