Guinda ao plantel do Peixe Galego coa fichaxe do pívot estadounidense Jason Cain
Por Redacción
O Marín Peixe Galego xa ten ao pívot dominante e anotador que buscaba para pechar o seu plantel.
Trátase do estadounidense Jason Cain, xogador de 31 anos nado en Philadelphia aínda que con pasaporte comunitario e con 2,08 metros de altura. Comprométese co club 'peixe' ata final de tempada.
Cain, formado na Universidade de Virginia da NCAA, chegou a Europa para xogar na Bundesliga alemá, onde permació seis anos. Tras esa etapa pasou unha campaña no Leyma Basquet Coruña, adquirindo por tanto experiencia na Liga LEB Ouro na que agora xogará co Peixe Galego.
O seu bo ano na Coruña serviulle para asinar un bo contrato de dúas tempadas co Petro Luanda angoleño, club co que gañou a Copa de África.
Agora regresa a Europa e convértese na undécima e última peza do Peixe Galego para o seu debut na segunda categoría do baloncesto nacional, xa que coa súa incorporación o club confirma que deu por pechada a composición do equipo.
Relacionadas:
-
O Peixe Galego estréase en Copa Galicia con derrota ante o Basquet Coruña (65-74)
Por Redacción |
-
Control médico para o plantel do Peixe Galego
Por Redacción |
-
VÍDEO.- "Sentirás diferente. Serás Peixe, Serás de ouro"
Por Redacción |
-
Primeiros pasos dunha tempada histórica para o Peixe Galego
Por Diego Espiño |
-
Joe de Ciman, da Universidade de Colorado ao Marín Peixe Galego
Por Redacción |
-
Emilio Oubiña seguirá un ano máis no Peixe Galego
Por Redacción |
-
O debut do Peixe Galego en LEB Ouro, na Raña ante o Melilla Baloncesto
Por Redacción |