Primeiros pasos dunha tempada histórica para o Peixe Galego
Por Diego Espiño
O Peixe Galego puxo o mono de traballo este xoves para iniciar a preparación dunha tempada histórica, a do seu debut na Liga LEB Ouro de baloncesto.
O equipo marinense confirmou ademais a incorporación do ala-pívot Marc Bauza, xogador xoven de 2,06 metros de altura que chega como cedido polo Joventut de Badalona.
A pretempada arrincou cunha leve sesión de adestramento no pavillón da Raña pero sen todos os efectivos. Só sete xogadores do primeiro plantel vestiron de curto, a falta da chegada do canadense Joe de Ciman, o citado Marc Bauza e Gregorio Adón, a quen problemas burocráticos atrasan a súa volta a España.
En total, 10 xogadores que Javi Llorente espera ter á súa disposición desde o vindeiro luns nun plantel ao que aínda lle falta unha peza, un pívot titular cuxa contratación está encamiñada a falta de pequenos flocos.
Coa súa chegada daríase por pechado un equipo pensado para competir de igual a igual cos rivais de LEB Ouro e que terá como único obxectivo a permanencia na segunda categoría do baloncesto nacional
Relacionadas:
-
O Peixe Galego estréase en Copa Galicia con derrota ante o Basquet Coruña (65-74)
Por Redacción |
-
Control médico para o plantel do Peixe Galego
Por Redacción |
-
VÍDEO.- "Sentirás diferente. Serás Peixe, Serás de ouro"
Por Redacción |
-
Guinda ao plantel do Peixe Galego coa fichaxe do pívot estadounidense Jason Cain
Por Redacción |
-
Joe de Ciman, da Universidade de Colorado ao Marín Peixe Galego
Por Redacción |
-
Emilio Oubiña seguirá un ano máis no Peixe Galego
Por Redacción |
-
O debut do Peixe Galego en LEB Ouro, na Raña ante o Melilla Baloncesto
Por Redacción |