Ironman faino oficial, Saleta Castro clasificada para o Mundial de Hawaii
Por Redacción
A organización de Ironman publicou as listaxes definitivas dos triatletas clasificados para o Campionato do Mundo de Kona, Hawaii, na categoría profesional, no que estará por primeira vez Saleta Castro.
A deportista pontevedresa é un dos catro españois que estarán na meca do tríatlon.
Saleta, despois da súa sexta praza no Europeo de Frankfurt e o segundo de Maastricht, unido ao cuarto posto no recente 70.3 de Dublín, concluíu na posición 37 do ránking clasificatorio con 4.770 puntos, polo que estará entre as 40 mulleres que disputarán a proba o próximo mes de outubro. O corte quedou situado finalmente nos 4.605 puntos.
A carreira, na que afrontará 3,8 quilómetros de natación, 180 quilómetros de ciclismo e un maratón final, celebrarase o día 8 do citado mes, polo que a triatleta pontevedresa traballa xa en chegar no mellor estado de forma posible.
Ademais de Saleta Castro, participará na categoría feminina a española Guru Frades, sétima do ránking, mentres na masculina estarán Eneko Llanos (sexto na clasificación) e o galego Iván Raña (42º).
Relacionadas:
-
Saleta Castro, deportista 'non grata' no CGTD
Por Diego Espiño & Mónica Patxot |
-
"Feliz" primeira experiencia de Saleta Castro no Ironman de Hawaii
Por Diego Espiño |
-
O soño de Saleta Castro faise realidade en Hawaii
Por Diego Espiño |
-
Saleta Castro acaba en cuarta posición o Ironman 70.3 de Dublín
Por Diego Espiño |
-
Saleta Castro, segunda no Ironman de Maastricht, a un paso do mundial de Hawaii
Por Ramiro Espiño |
-
Final feliz para Saleta Castro, que recupera a súa bicicleta para competir no Ironman de Maastricht
Por Diego Espiño |
-
Vueling perde a bicicleta de Saleta Castro a poucos días de que se xogue a súa presenza no Mundial Ironman
Por Diego Espiño | Creada e actualizada