Quenda para os primeiros amigables e á espera dos dianteiros
Por Diego Espiño
Despois de dúas semanas de adestramentos, no que a carga física foi a parte máis importante da preparación, o Pontevedra inicia esta fin de semana o seu calendario de partidos amigables, e faino con dobre sesión.
O sábado os granates enfrontaranse en Moraña (19:00 horas) ao Celta B, mentres o domingo ás 20:00 horas visitará o Estadio Municipal de Pasarón o Real Valladolid, no XL Trofeo Cidade de Pontevedra, unha cita que "siendo el primer partido que jugamos en casa espero que la gente se anime a venir", asegurou na presentación do choque a presidenta, Lupe Murillo.
O prezo das entradas para este partido é de 16 euros en Tribuna, 12 en Preferencia e 8 euros nos fondos, entrando de balde os socios que xa renovasen o seu carné.
En ambas as citas poderanse ver en acción ao novo proxecto do Pontevedra, aínda que "jugaremos con el juvenil Lezcano y un chico del filial (Wadir) de delanteros", afirmou a presidenta granate adiantándose á principal incógnita desta pretempada, os dous puntas que deben completar o equipo.
"Tenemos dos fichas libres y son para los delanteros", explicou Murillo, que apuntou á dura competencia que se están atopando no mercado, xa que moitos clubs están pendentes dos descartes en equipos de Segunda.
Por ese motivo asegura que non terán présa xa que "no es una cuestión económica, es una cuestión de acertar".. Ademais terán que tomar "decisiones sobre la salida de un jugador", en referencia a Kevin Presa, que segue adestrando co equipo e que polo momento é un máis nos plans de Luisito.
Relacionadas:
-
A forte calor, protagonista do Cultural Areas-Pontevedra (0-2)
Por Redacción |
-
O Pontevedra lava a súa imaxe aínda que cede fronte ao Real Valladolid (0-1)
Por Ramiro Espiño & Diego Torrado |
-
Un Celta B máis rodado pon en evidencia na súa estrea ao Pontevedra (0-4)
Por Ramiro Espiño & Diego Torrado |
-
Buscando novas 'perlas' para a canteira
Por Mónica Patxot |
-
O Pontevedra comezará a liga en Guijuelo
Por Redacción |
-
75 anos #latexandoporti, o Pontevedra mantén prezos na súa nova campaña de abonados
Por Diego Espiño |
-
Seis partidos confirmados para a pretempada granate
Por Diego Espiño |