O Cisne reforza a súa primeira liña coas fichaxes de Xosé Canedo e Pablo Gayoso
Por Redacción
Dúas novas fichaxes confirmou este xoves o Cisne, que avanza con paso firme na composición do plantel e ten case perfilado o equipo a poucos días de iniciar a pretempada.
O club pontevedrés fíxose cos servizos de Xosé Canedo e de Pablo Gayoso para reforzar a súa primeira liña.
Canedo, de 29 anos de idade e que pode actuar de central e lateral, retorna ao Cisne, no que xa militou en dúas etapas entre 2008 e 2010 e na tempada 2011/2012. As últimas campañas xogou no Go Fit cántabro, co que chegou a ascender á Liga Asobal.
O novo xogador cineísta colaborará coas categorías inferiores da entidade, na que exercerá de adestrador.
Pola súa banda Pablo Gayoso, lateral esquerdo de 21 anos, chega ao club pontevedrés procedente do Academia Octavio tras pasar previamente polo Lavadores, sendo un xogador que espera achegar "lanzamento desde fóra", segundo sinalou.
A pesar do avanzado da composición do plantel, o Cisne traballa aínda en reforzar o posto de extremo.
Relacionadas:
-
Boas sensacións que disparan o optimismo no Cisne
Por Diego Espiño |
-
"Ganas de trabajar" na volta aos adestramentos do Cisne
Por Diego Espiño |
-
Zamora-Teucro e Cisne-Gijón na primeira xornada da División de Honra Prata
Por Diego Espiño |
-
Xornada de renovacións no Cisne
Por Redacción |
-
O Cisne, "orgullosísimo" de recuperar a Andrés Sánchez
Por Diego Espiño |