O Teucro solicita empezar a liga fóra da casa polas obras do Pavillón Municipal
Por Diego Espiño
As obras de renovación da cuberta no Pavillón Municipal dos Deportes manteñen preocupados aos responsables da Sociedad Deportiva Teucro, polo axustado dos seus prazos de execución con respecto ao comezo oficial do campionato na División de Honra Prata.
Por ese motivo o club pontevedrés dirixiuse por escrito á Real Federación Española de Balonmán solicitando xogar a primeira xornada de liga, o 10 de setembro, a domicilio e gañar así unha semana de marxe que aseguraría a apertura da instalación.
Segundo as previsións que manexa a empresa responsable das obras, a última semana de agosto terminaríase coa colocación da nova cuberta para proceder, durante os primeiros días de setembro, a unha limpeza da instalación e á colocación da nova iluminación.
Ademais, tanto o club azul como o seu veciño e rival na cidade, o Cisne, pediron ao órgano federativo e de común acordo non coincidir na mesma xornada como locais, para tentar conseguir a maior afluencia de público aos partidos de ambos os equipos.
Nun principio a Federación mostrouse receptiva a este proposta pero ata o sorteo oficial do calendario, previsto para os próximos días, non se saberá con seguridade se a acepta.
No que si influirá as obras no Pavillón Municipal dos Deportes é na pretemporada teucrista, que se iniciará o luns 1 de agosto e se desenvolverá entre os pavillóns do colexio San Narciso, en Marín, e de Príncipe Felipe.
Relacionadas:
-
O Teucro ponse a traballar co obxectivo de "ganarnos el cartel de favorito"
Por Diego Espiño & Cristina Saiz |
-
Ollo coas planchas da cuberta do Pavillón!
Por Redacción |
-
Zamora-Teucro e Cisne-Gijón na primeira xornada da División de Honra Prata
Por Diego Espiño |
-
Johnny Medina, un especialista defensivo para o Teucro
Por Redacción |
-
Víctor Rodríguez comunica ao Teucro que xogará no Atlético Valladolid
Por Diego Espiño |
-
Empezan a retirar a vella cuberta do Pavillón Municipal
Por Redacción |
-
Ángel Iglesias, extremo dereito, novo xogador do Octavio que recala na SD Teucro
Por Redacción |