O Breogán do Grove, terceiro no Nacional de piragüismo en pista
Por Redacción
O Campionato de España de Piragüismo en Pista Senior e Sub-23, celebrado no encoro asturiano de Trasona, Avilés, tivo claro sabor galego.
Quitando ao vencedor final, o Náutico de Sevilla, os clubs galegos dominaron as clasificacións por equipo e o medalleiro da competición.
Na clasificación xeral o Kayak Tudense foi segundo, mentres o Breogán do Grove finalizou no terceiro chanzo do podio ao avantaxar en só tres puntos ao cuarto clasificado, o Náutico de Palma.
Outros dous clubs da provincia finalizaron entre os dez primeiros. Foro o Club As Torres Romaría Viquinga, sétimo, e o Club Piragüismo Poio-Conservas Pescamar, oitavo.
Máis dominio houbo no medalleiro, con sete galegos entre os dez primeiros. O club máis laureado neste aspecto foi o Breogán con 20 medallas (9 ouros, 6 pratas e 5 bronces). Ademais cuarto situouse a Escuela de Piragüismo Ciudad de Pontevedra con 16 metais (7 de ouro, 6 de prata e 3 de bronce) e sexto o Club Piragüismo Poio (6 ouros, 4 pratas e 4 bronces).
Con estes resultados a clasificación xeral da Liga Hernando Quella deixa a cinco galegos entre os dez primeiros. O Kayak Tudense é segundo con 414 puntos, os mesmos que o primeiro clasificado o Náutico de Sevilla, terceiro con 391 puntos queda o Breogán do Grove. A sexta, sétima e oitava praza son respectivamente para Piragüismo Poio, As Torres e E.P. Ciudad de Pontevedra.
Aínda por riba o Breogán redondeou a súa actuación como vencedor da Copa da Raíña.
Relacionadas:
-
Un Nacional de Xóvenes Promesas "de récord" no encoro de Pontillón do Castro
Por Redacción |
-
Cita mundial en Bielorrusia para o piragüismo pontevedrés
Por Redacción |
-
Club Piragüismo Vilaboa e Ría de Aldán, grandes vencedores en Verducido
Por Redacción | Creada e actualizada
-
A pista de piragüismo do Pontillón, escenario dun Campionato Galego de récord
Por Redacción |
-
Os clubs de deportes náuticos da provincia benefícianse de medio millón de euros da Deputación
Por Redacción |
-
Diego Romero, Adrián Sieiro e Sergio Vallejo, lonxe das medallas no peche do Europeo
Por Redacción |
-
Medalla para María Calvo e final para Sergio Vallejo e Adrián Sieiro no Europeo de piragüismo
Por Redacción |