O gardameta Santi Canedo comprométese co Pontevedra
Por Diego Espiño
O Pontevedra atopou recambio para Vicente Company, que abandonou o club ao finalizar a tempada, e confirmou a contratación dun novo gardameta coa intención de que pelexe polo posto de titular con Edu Sousa.
Trátase de Santi Canedo, porteiro galego de 20 anos, natural de Carballo e formado nas canteiras de Deportivo e Atlético de Madrid, club co que asinou o seu primeiro contrato profesional defendendo a meta do terceiro equipo da entidade.
Con todo Canedo chega á cidade de Lérez procedente do Sevilla Atlético de Segunda División B. Asinou cos andaluces o pasado verán para xogar en Terceira División, pero as lesións no primeiro equipo déronlle a oportunidade de dar o salto ao filial, co que foi gardameta suplente (xogou un partido de liga) e terminou ascendendo a Segunda División.
O futbolista carballés formouse no Deportivo ata a idade cadete, na que emigrou a Madrid, pasando polo cadete, xuvenil e o C da entidade madrileña. Neses anos encadeou varias convocatorias coa Selección Española Sub-16 e Sub-17.
Santi Canedo convértese así na novena fichaxe do Pontevedra, vinculándose ao club granate por unha tempada.
O REAL VALLADOLID, PRIMEIRO RIVAL DE PRETEMPADA
Noutra orde de cousas, o club granate deu a coñecer o seu primeiro compromiso de pretemporada con motivo do Trofeo Cidade de Pontevedra.
Os granates repetirán rival estival coa visita ao Estadio Municipal de Pasarón do Real Valladolid, equipo que milita na Segunda División. O choque disputarase o domingo 31 de xullo ás 20:00 horas.
Relacionadas:
-
A dianteira, principal incógnita no Pontevedra a 10 días de iniciar a pretempada
Por Diego Espiño |
-
Tomás Abelleira marcha cedido ao Compostela
Por Diego Espiño |
-
O Izarra, rival do Pontevedra, ameaza con retirarse se se mantén a repartición de Segunda B
Por Diego Espiño |
-
O Pontevedra líbrase dos estremeños e do Logroñés na repartición de grupos de Segunda B
Por Diego Espiño |
-
Pendentes da repartición de grupos na Segunda B
Por Diego Espiño |
-
Tripla fichaxe no Pontevedra, que se fai cos servizos de Abel Suárez, Iker Alegre e Jacobo Trigo
Por Diego Espiño |
-
O Pontevedra confirma o regreso de Gonzalo
Por Redacción |
-
Álex González, reforzo para a banda esquerda do Pontevedra
Por Diego Espiño | Creada e actualizada
-
O Pontevedra reforza a súa zaga coa fichaxe do central Dani Portela
Por Alejandro Espiño |