O mellor Celta B da tempada crúzase no camiño do Pontevedra
Por Diego Espiño
Segundo partido consecutivo do Pontevedra no Estadio Municipal de Pasarón o que afronta este domingo (17:00 horas) ante o Celta B.
Os granates, que necesitan os tres puntos para afinazarse na quinta praza na súa loita por clasificarse para a Copa do Rei, reciben a un filial celeste que atravesa o seu mellor momento da tempada.
O cadro vigués encadea tres triunfos consecutivos a domicilio, o que lle permitiu abandonar os postos de descenso e coller tres puntos de renda sobre a promoción de permanencia. Pola súa banda o Pontevedra quere esquecer os seus dous últimos resultados cun bo partido ante a súa afección.
Luisito, que recupera a Pablo e Anxo tras as súas sancións e poderá contar finalmente con Borjas Martín, só terá as baixas de Capi e Pablo Carnero.
O resto de futbolistas do primeiro plantel foron convocados para o choque, como é habitual en todos os partidos que se xogan en Pasarón, incluíndo nesa lista a Miguel Loureiro, que polo visto no último adestramento apunta a titular no lateral dereito. O técnico anunciará a lista definitiva de 16 pouco antes do partido
O árbitro do encontro será Gustavo Rebollo López, do colexio territorial catalán.
Relacionadas:
-
Agasallos e pólvora mollada do Pontevedra ante un Celta B resultadista (1-2)
Por Ramiro Espiño & Diego Torrado |
-
Competición deixa sen efecto o segundo cartón a Borjas e poderá xogar ante o Celta B
Por Redacción |
-
O Pontevedra poderá utilizar o campo de fútbol de Outeiro, en Barro
Por Redacción |
-
Pontevedra e Sporting B aburren nun partido infumable (1-1)
Por Ramiro Espiño & Diego Torrado |