Como "involucrar a toda a cidade" no Campionato de Europa de Piragüismo Maratón
Por Diego Espiño
O Concello de Pontevedra iniciou unha campaña de promoción do que será un dos grandes eventos deste 2016, o Campionato de Europa de Piragüismo Maratón.
O río Lérez acollerá a competición do 28 de xuño ao 3 de xullo e a organización do campionato quere "involucrar a toda a cidade, que a xente se implique neste evento", sinalou a concelleira de Deportes, Anxos Riveiro.
Desta forma, e baixo o lema "será o teu campionato, será a túa festa", van deseñar unha serie de actividades paralelas nas que participarán os clubs de piragüismo da cidade.
"Ten que servir para mostrar a fortaleza deste deporte na cidade", declarou a edil tras reunirse con representantes dos clubs. Entre esas actividades, por exemplo, ofrecerase a posibilidade de "facer un bautismo para persoas que nunca subiron en piragüa".
Ademais dos perfís de Facebook e Twitter do Campionato de Europa, habilitarase nos próximos días unha páxina web (www.pontevedra2016.org) na que se irá informando das novidades que se produzan e da parte meramente competitiva. Por outra banda, grazas á colaboración da Federación Galega, levará a imaxe do Europeo aos dous próximos campionatos de España de piragüismo, esta próxima fin de semana en Sevilla (Augas Tranquilas) e en Banyoles (Maratón) o 14 e 15 de maio. Tamén realizarase un izado de bandeira simbólico en Pontevedra o 7 de maio.
O Campionato de Europa contará, segundo as estimacións, con preto de 800 padexeiros, repartidos entre a categoría master e a elite.
Relacionadas:
-
O Europeo de piragüismo maratón comeza a despregarse na cidade
Por Alejandro Espiño |
-
Pontevedra empeza a vivir o Campionato de Europa de Piragüismo Maratón
Por Diego Espiño |
-
VÍDEO.- O Campionato de Europa de Piragüismo Maratón de Pontevedra estrea anuncio promocional
Por Redacción |
-
Unha regata "de nivel nacional" probará o circuíto do Campionato de Europa de Piragüismo Maratón
Por Diego Espiño |
-
Piragüismo, tríatlon, orientación... grandes eventos deportivos para o 2016
Por Diego Espiño |
-
Pontevedra solicita a organización do Campionato do Mundo 2020 de piragüismo maratón
Por Diego Espiño |
-
Óscar Graña e Ramón Ferro, medalla de prata no Campionato do Mundo de Piragüismo Maratón de Gyor
Por Redacción | Creada e actualizada