Lydia Pérez apura as súas opcións para chegar a Río 2016
Por Redacción
É un camiño complicado pero Lydia Pérez Touriño non renuncia aínda ao soño de estar nos Xogos Olímpicos de Río 2016.
A deportista pontevedresa atópase desde o pasado luns 22 de febreiro participando na concentración preolímpica nacional de loita no Centro de Alto Rendemento de Madrid.
O primeiro paso para a representante do Club de Loita Pontevedra será conseguir entrar no equipo nacional para o primeiro torneo de clasificación para Río, en Zrenjanin (Serbia), algo para o que se terán en conta os resultados dunha concentración que se prolongará ata o 4 de marzo, segundo explicou a Federación Galega de Loitas Olímpicas.
Lydia, aínda deportista en idade sub-23 e que compite na categoría de 58 quilos, ten tamén como obxectivo para esta tempada realizar un bo papel no Campionato de Europa da súa idade, que terá lugar na localidade búlgara de Rousse do 22 ao 27 de marzo.
Xunto á pontevedresa outros dous loitadores galegos acudiron á concentración nacional. Trátase de Noelia Lalín (Keltoi de Vila de Cruces) e Damián Igrexas (Clob Loita Touro).
Relacionadas:
-
O Loita Pontevedra triunfa na casa no Nacional Junior con medallas para Lydia Pérez e Carmen Salgado
Por Diego Torrado |
-
O Nacional Junior e Escolar de Loitas Olímpicas reúne en Pontevedra a 400 deportistas
Por Diego Espiño |
-
Lydia Pérez proclámase en Murcia campioa de España sub-23 de loita
Por Redacción |
-
Avanzan na organización do Campionato de España Junior e Escolar de Loitas Olímpicas
Por Redacción |