Piragüismo, tríatlon, orientación... grandes eventos deportivos para o 2016
Por Diego Espiño
Pontevedra seguirá apostando en 2016 pola organización de eventos deportivos de nivel nacional e internacional na cidade, continuando a liña dos últimos anos.
Un evento destaca por encima do resto entre as competicións confirmadas para o ano que entra, o Campionato de Europa de Piragüismo Maratón, que se celebrará en augas do río Lérez do 28 de xuño ao día 3 de xullo.
O evento, de grande importancia ante a candidatura que a cidade presentou para albergar en 2020 o Mundial da especialidade, contará con máis de 1.000 deportistas das diferentes seleccións nacionais nas categorías júnior, sénior e veteranos para embarcacións de C-1, C-2, K-1 e K-2.
O outro gran evento do ano estará unha vez máis relacionado co tríatlon, ao ser sede Pontevedra da Copa do Rei e o Campionato de España por relevos os días 21 e 22 de maio.
Son dúas das probas deportivas con maior número de participantes neste deporte, como reflicte que en 2015 foron preto de 2.500 os triatletas inscritos, repartidos en máis de 300 equipos e 24 escolas de tríatlon de toda España.
Antes, no mes de marzo, a primeira gran cita do calendario deportivo será o Campionato de España de Orientación, do 24 ao 27 de marzo, organizado polo Club Montañeiros A Roelo e que espera atraer a preto de 1.500 persoas.
A todos estes eventos haberá que sumar os incluídos no calendario habutial da cidade baixo a organización dos seus clubs e que reúnen unha e outra vez a un grande número de deportistas, como a Pontevedra 4 Picos Bike & Trail (16 e 17 de abril), o Torneo Internacional Benxamín de Fútbol 7 (18 e 19 de xuño), o Medio Maratón Cidade de Pontevedra (16 de outubro) ou o Torneo Internacional de Taekwondo (29 de outubro ao 1 de novembro).
Ademais, varios clubs co apoio do Concello manteñen abertas negociacións para poder organizar na cidade máis competicións de nivel en 2015, á espera de que se pronuncien as diferentes federacións deportivas.
Relacionadas:
-
Como "involucrar a toda a cidade" no Campionato de Europa de Piragüismo Maratón
Por Diego Espiño |
-
Unha participación de luxo para o Campionato de España de Orientación
Por Diego Espiño |
-
Unha regata "de nivel nacional" probará o circuíto do Campionato de Europa de Piragüismo Maratón
Por Diego Espiño |
-
Avanzan na organización do Campionato de España Junior e Escolar de Loitas Olímpicas
Por Redacción |
-
Pontevedra negocia ser sede do Mundial Junior de balonmán 2019
Por Diego Espiño |
-
Pontevedra solicita a organización do Campionato do Mundo 2020 de piragüismo maratón
Por Diego Espiño |
-
O tríatlon regresa a Pontevedra en 2016: a Copa do Rei e o Nacional de relevos, en maio
Por Alejandro Espiño |
-
Primeiros pasos na organización do Nacional de orientación, que reunirá en marzo a 1.500 deportistas
Por Diego Espiño |