As ex-xogadoras do Leis presentan recurso ante o arquivo da denuncia contra o presidente do club
Por Diego Espiño
O proceso xudicial aberto contra o presidente do Leis 26 Pontevedra, José Antonio Nieto, por un presunto delito contra a integridade moral, segue o seu curso tras anunciar o avogado das tres ex-xogadoras denunciantes que interpuxeron un recurso ao último auto xudicial.
Hai unha semana o Xulgado de Instrución 2 emitiu un auto asinado polo seu titular, Xermán Varela, que arquivaba por segunda vez, de maneira provisional, a causa ao entender que non existe reproche penal, a pesar de reiterar o impropio da conduta do presidente da entidade deportiva.
Javier Picallo, avogado das futbolistas, explicou en rolda de prensa que decidiron chegar ata o final presentado este xoves o citado recurso de apelación, argumentado en 30 páxinas, na Audiencia Provincial.
Fano porque "el auto no duda ni un ápice de lo declarado por las denunciantes y vuelve a insistir en el comportamiento intolerable y machista", asegura Picallo.
"Es absolutamente cierto lo que denuncian, otra cosa es que el juez diga que es delito o no", seguiu engadindo á vez que criticaba as declaracións de Nieto nas que confirmaba que estuda emprender accións legais contra as futbolistas.
Javier Picallo explicou ademais que non descartan, no caso de que a Audiencia peche o caso, mantelo aberto acudindo á vía civil.
Relacionadas:
-
Arquivada por segunda vez a denuncia contra o presidente do Leis, José Antonio Nieto
Por Diego Espiño |
-
José Antonio Nieto delega temporalmente as funcións de presidente do Leis "mientras dure el proceso judicial"
Por Diego Espiño |
-
A Audiencia estima o recurso das xogadoras do Leis e ordena tramitar a denuncia contra o seu presidente
Por Redacción |
-
O Leis defende que dará a baixa ás futbolistas apartadas cando "realicen a devolución do material propiedade do club"
Por Redacción |
-
As tres xogadoras que denunciaron ao presidente do Leis, pendentes do recurso xudicial e de lograr a baixa federativa
Por Diego Espiño |
-
A Marcha Mundial das mulleres reclama a Louzán que alonxe ao presidente do Leis das xogadoras
Por Mónica Patxot & Anxo Lourido |
-
Non admiten a trámite a denuncia de tres xogadoras do Leis feminino contra o seu presidente
Por Alejandro Espiño |