Sen confianzas en Narón
Por Diego Espiño
Partido trampa para o Pontevedra en Narón (18:00 horas, Estadio Río Seco). O equipo granate intentará non se deixar sorprender por un conxunto, o coruñés, que aínda non puntuou no seu regreso á Terceira División.
Milo Abelleira poderá contar cos xogadores habituais tras recuperarse Moisés Pereiro, Santi Domínguez e especialmente Cristóbal Juncal, que adestrou sen problemas tras o pinzamento no menisco sufrido na sesión do mércores. O lateral asegura que espera un Narón extra motivado, "los equipos de abajo contra los que estamos arriba salen siempre a darlo todo, son partidos que hay que tener excesivo cuidado porque hay mucho que perder y poco que ganar".
Da mesma opinión é Jacobo, que ademais pide gañar para empezar a ter regularidade nos resultados, "va a ser un partido que va a haber que competir como el que más, como contra Cerceda y Alondras. Tendremos que salir a tope si queremos traer los tres puntos".
Para o choque o preparador lerezano convocou os 16 futbolistas do partido ante o Céltiga, ao que se unen as incorporacións de Breogán, Pacheco, Buba e Javi Pazos.
Tras esta xornada, o Pontevedra afrontará dous partidos consecutivos en Pasarón ante Somozas e Celta B.