O Portonovo dobrega ao Mondariz (1-0) e mantén o pulso por alcanzar as prazas de ascenso
Por Redacción
O Portonovo mantén o tipo cun novo triunfo en Baltar ante o Mondariz (1-0) que lle mantén ao ronsel dos dous primeiros clasificados.
O solitario gol de Suso nada máis comezar o partido, no minuto 4, resultou suficiente para o equipo dirixido por Ricardo Fernández, que non logrou sentenciar pero tampouco pasou excesivos apuros.
Terceira vitoria consecutiva dos arlequinados que seguen sen perder un partido en Baltar no que vai de tempada e suman 8 triunfos nos últimos 9 encontros.
PORTONOVO SD (1): Marcos, Muñiz, Marcos García (Angelillo, min.57), Iván, Renda, César (Caste, min.57), Suso Bea, Gándara, Suso, Martín (Manu Sieiro, min.63), Víctor, Melchor.
MONDARIZ CF (0): Javi, Adrián (Noel, min 65), Uru, Anxo (Moi, min 90), Iván (Sobral, min 39), Jonás (Nacho, min 85), Alfaya, Hugo Tei, Plevak, Iago, Víctor.
Árbitro: Fernández Lodeiro (A Coruña). Amonestou a Suso Bea e Martín no Portonovo e Alfaya e Iago no Mondariz.
Gol: 1-0 Suso, min.4.
Incidencias: Partido disputado no campo de Baltar, Portonovo.