Inicio da segunda volta para un Arxil que busca en Cáceres a súa primeira vitoria da tempada
Por Diego Espiño
O Arxil non perde a fe nas súas posibilidades no duro arranque de segunda volta que lle espera ás mozas dirixidas por Mayte Méndez. As pontevedresas volven á competición este sábado en Cáceres (17:30 horas) co obxectivo de sumar canto antes a súa primeira vitoria da tempada.
O calendario non acompaña nas primeiras semana do ano, nas que as verdes deberán enfrontarse a domicilo ao Al-Qazeres e Cortegada, terceiro e primeiro clasificado respectivamente, e en Pontevedra ao Ensino, cuarto equipo da liga. Con todo, os últimos partidos do ano e a evolución das xogadoras fan que o corpo técnico non perda a esperanza de recortar a desventaxa de dous triunfos que lle separan dos postos de permanencia.
Malia a difícil situación, o Arxil descartou reforzarse e confiar ata final de tempada no actual plantel, como confirma o coordinador do clube Lino Vázquez, "cuando se confeccionó la plantilla para esta temporada se hizo con una filosofía muy determinada. No hemos tenido hasta el momento suerte, con un poquito podríamos estar con tres victorias, pero la liga es así".
O parón navideño serviu por outra banda para que varias xogadoras puidesen recuperarse dos seus problemas físicos, como foi o caso de Fany Lopez, Natalia Soage e Andrea Carrrera.