Unai Silva, bronce no campionato de Europa de taekwondo cadete
Por Redacción
O pontevedrés Unai Silva, deportista do club Mace Sport, logrou a medalla de bronce no campionato de Europa de taekwondo que, na categoría cadete, se está a disputar na localidade francesa de Estrasburgo.
Silva, un dos grandes favoritos na categoría de -57 quilos, comezou a competición contra o representante de Francia, Alex Toullan, ao que superou con certa comodidade cun resultado final de 10-4.
Nos cuartos de final tivo un duro combate fronte a Alin Dumitru Onita (Romanía), ao que gañou no punto de ouro, e así garantiu a medalla de bronce.
Xa nas semifinais caeu contra o húngaro Bela Berei, quen finalmente logrou o título de campión de Europa no seu peso, no que participaron un total de 18 deportistas.