A Gimnástica podería renunciar a disputar a final da Copa do Rei por motivos económicos
Por Diego Espiño
Malas novas para a Sociedad Gimánstica. Si a finais de setembro o club pontevedrés anunciaba a súa renuncia a competir na Primeira División Nacional feminina, nesta ocasión é a participación dos pontevedreses na final da Copa do Rei de atletismo a que está en perigo, logo de haberse clasificado en categoría masculina por segundo ano consecutivo.
A Gimnástica podería non acudir a Valencia pola difícil situación económica do clube e intentando así non comprometer a tempada do equipo masculino na División de Honra. A directiva encabezada por Ramón Touza confirmou nun comunicado que está pensando seriamente nesta posibilidade, "estamos sopesando seriamente el no acudir a esta competición por el elevado gasto que acarrea el desplazamiento a tierras valencianas, gasto que a fecha de hoy no se puede asumir por la tesorería del club".
Á final da Copa do Rei soamente acoden os oito mellores equipos de España, entre os que se atopan o Playas de Castellón, Fútbol Club Barcelona ou o Unicaja. A Sociedad Gimnástica gañouse o dereito a estar nesta prestixiosa competición baixo teito tras calsificar en sexta posición no estadillo de marcas publicado pola Federación Española de Atletismo.