O Poio FS, a garantir a permanencia fronte ao Majadahonda
Por Redacción
Importante partido o que disputa o Poio FS este sábado (18:30 horas na Seca) ante o Majadahonda FSF no que as rapazas dirixidas por Gonzalo Iglesias poderían deixar gran parte da permanencia asegurada.
O equipo madrileño ten 17 puntos, dez menos que o Poio, e marca xusto a barreira que separa o descenso da permanencia na categoría, con só dous puntos de colchón.
Na primeira volta o equipo "rojillo" saíu derrotado por 6-2, nun mal partido no que se comezara gañando por 0-2, remontando logo as madrileñas, que teñen como principal baza ás irmás Marta e Elena Mateo.
Morenín convocou a Silvia e Irene en portaría, Charo, Elena, Jenny, Yoly, Souza, Nere Moldes, Tania, Claudia e Paloma, sendo a novidade a presenza na lista da xogadora do equipo cadete, Lucía Rosales.
Relacionadas:
-
Segue sen levantar cabeza o Poio FS que volve perder na súa pista (0-4) ante Universidad de Alicante
Por Redacción |
-
Reacción tardía do Poio FS que cae ante o Majadahonda (2-3) e atrasa asegurar a permanencia
Por Redacción |
-
Poio FS fai méritos para puntuar pero cede (3-1) fronte a Ourense Envialia
Por Redacción |
-
Paso de xigante cara á permanencia do Poio FS tras impoñerse ao Gironella (3-2)
Por Redacción |