Un solitario gol de Paco dá os tres puntos ao Villalonga en Aldán (0-1)
Por Redacción
Pasouno mal o Villalonga nos últimos minutos, pero logrou manter o resultado para levarse un importante triunfo de Aldán na súa visita ao Rápido Bahía (0-1).
Nun partido moi disputado os celestes decidiron cun tanto de Paco ao fío do descanso.
A falta de acerto evitou que a renda se ampliase dando opcións aos locais, que no tramo final contaron con algunha ocasión para lograr a igualada.
O Villalonga vaise de vacaicones na novena praza, pero recorta a só tres a súa distancia co cuarto posto. Pola súa banda o Rápido Bahía pasa a ser o novo último da competición tras o triúnfo do Pontevedra B no Carrasco.