A Gimnástica, presente no Campionato de España de Maratón
Por Redacción
San Sebastián acollerá o próximo domingo o primeiro Campionato de España da tempada, o de maratón.
Alí estarán dous atletas da Sociedad Gimnástica, Rubén Diz e Robertas Geralavicius, que aspiran a pelexar polos postos de cabeza.
Diz repite experiencia no Maratón de Donostia, onde o pasado ano foi décimo na súa categoría. Agora estréase en veteranos de maiores de 35 anos.
Pola súa banda, aínda que non pode disputar as medallas pola súa condición de lituano, Robertas Geralavicius intentará mellorar a súa marca de 2 horas, 21 minutos e 24 segundos, lograda no seu primeiro contacto coa distancia, co obxectivo de optar a entrar no equipo do seu país de cara aos próximos Xogos Olímpicos.