O Galaico Sincro repite presenza na Liga Catalá de figuras
Por Redacción
Por segunda vez o Galaico Sincro desprazouse a Barcelona para participar na Liga Catalá de figuras en categoría infantil e alevín.
Como único club non catalán da competición o Galaico Sincro logrou uns resultados positivos, situando as súas nadadoras entre as 15 primeiras e cunha quinta praza parcial.
A participación neste torneo responde á preparación para o imnimente comezo do calendario nacional e a falta de competicións a nivel autonómico en Galicia nestas datas.
Nesta ocasión, ademais do equipo infantil, o Galaico Sincro desprazou a dúas nadadoras alevíns. As protagonistas foron: Reyes Gómez, Eva Saldaña, Antía Ortego, Elisa Seoane, Lara González Corbacho e Candela Seoane.