Os socios do Leis apoian a continuidade de José Antonio Nieto na presidencia
Por Diego Espiño
José Antonio Nieto seguirá polo momento á fronte do Leis 26 Fútbol Sala, e con el unha nova directiva composta por David Barreiro, Xurxo Martínez, Sergio García e Manu Cossío.
Así o decidiron os socios, con 46 votos a favor e 5 abstencións, nunha asemblea extraordinaria celebrada na Residencia de Estudantes de Afundación.
Nesta déronse explicacións sobre os asuntos espiñentos que saíron á luz recentemente, como o cesamento de catro directivos da entidade ou a denuncia presentada polo ex-adestrador do equipo feminino, Jacobo Estors, e varias futbolistas por un suposto trato atentatorio contra a súa dignidade persoal e integridade moral.
A este respecto José Antonio Nieto recoñeceu non ter recibido notificación oficial ningunha, ao tempo que anunciou que se reserva as medidas legais oportunas para defender a súa imaxe: "a día de hoy no tengo nada, cuando llegue la denuncia expondré mi defensa, pero lo que están haciendo no es de recibo para nadie", manifestou o dirixente.
Nieto apuntou cara aos directivos cesados como responsables dunha campaña na súa contra e recoñeceu que "lo más fácil hubiese sido marcharmen en agosto, pero voy a continuar".
En canto ao cesamento de Manuel Piñón, José Guimeráns, Ramón López e Juan Pedro Sanz, a nova directiva explicou que os desencontros se remontan ao pasado verán, en plena negociación para a fusión co Marcón FS e, entre outras cousas, a causa da refinanción da débeda do club.
José Antonio Nieto: "Si dimito no pasa nada y si sigo, adelante con la denuncia, pues adelante"
Toda esta situación, segundo os dirixentes, desembocou nun burofax dos catro directivos saíntes esixindo a dimisión de Nieto, un acto que cualificou de "chantaje" e que foi contestado co cesamento só un día despois: "si dimito no pasa nada y si sigo, adelante con la denuncia, pues adelante", declarou ante os socios, entre os que se encontraban pais, adestradores e xogadores.
Ademais a nova cúpula do Leis denunciou non ter no seu poder toda a documentación do club e acceso a algunhas contas bancarias.
Tamén se revelaron algúns números, como o recoñecemento de aproximadamente 87.000 euros de débeda, sen contar as cantidades denunciadas por algúns ex-futbolistas e que se descoñecen. Esa débeda, segundo aseguraron, chegou a ser de preto de 650.000 euros cando José Antonio Esperón abandonou o club no ano 2008.
Relacionadas:
-
O Leis presenta unha demanda contra o seu extesoureiro, Manuel Piñón
Por Diego Espiño |
-
O Leis defende que dará a baixa ás futbolistas apartadas cando "realicen a devolución do material propiedade do club"
Por Redacción |
-
As tres xogadoras que denunciaron ao presidente do Leis, pendentes do recurso xudicial e de lograr a baixa federativa
Por Diego Espiño |
-
Non admiten a trámite a denuncia de tres xogadoras do Leis feminino contra o seu presidente
Por Alejandro Espiño |
-
Nova derrota (2-5) dun Leis masculino ao que se lle resiste o seu primeiro triunfo en liga
Por Redacción |
-
Demasiadas baixas para as rapazas do Leis, que caen con claridade en Madrid (4-1)
Por Redacción |
-
Xogadores, directivos e adestradores do Leis pechan filas arredor do seu presidente
Por Redacción |
-
Acusan o presidente do Leis de buscar "algo más" que unha relación "normal" con algunhas xogadoras
Por Alejandro Espiño & Mónica Patxot |
-
Jacobo Estors, destituído como técnico do equipo feminino do Leis
Por Redacción |
-
Terremoto no Leis: o seu presidente cesa de vez a catro directivos
Por Redacción |