Tomás Abeigón, un pontevedrés no certame de Mister Universo
Por Redacción
Tomás Abeigón, membro da executiva local do Partido Popular de Pontevedra e responsable da súa área de deportes, participará este sábado no certame de Míster Universo.
O pontevedrés, licenciado en INEF, é o único xuíz de fisioculturismo en España con categoría internacional e por ese motivo participará por décimo sétima vez no concurso.
Abeigón viaxará a Inglaterra este venres, á localidade de Southport, para tomar parte no evento, considerado como o máis importante do mundo neste deporte.
Organizado pola NABBA desde o ano 1948, Mister Universo contou ao longo da historia con gañadores popularmente coñecidos como os actores Arnold Schwarzenegger ou Sean Connery.
Tomás Abeigón, xuíz do certamen desde o ano 98, estará acompañado do seleccionador español e os tres representantes nacionais: Domingo Uria e Sento Olombrada na competición amateur e o profesional Luis Vidal.