Dous meses de baixa para Fran Fandiño, que ten roto o ligamento lateral interno do seu xeonllo
Por Diego Espiño
Malas novas para o Pontevedra Club de Fútbol, que perde ao seu centrocampista Fran Fandiño durante aproximadamente dous meses.
ÿ o prazo que fixa o médico do club, Alberto Domínguez, tras comprobar os resultados da resonancia magnética á que o futbolista foi sometido o luns.
A pesar de que as sensacións eran positivas e se pensaba en que a lesión que se produciu ante o Silva se quedaría nunha escordadura, a resonancia detectou unha rotura do ligamento lateral interior do seu xeonllo esquerdo, con afectación leve do menisco.
Fandiño será operado este mesmo xoves no Hospital Miguel Domínguez polos doutores Alberto e Rafa Domínguez, intervención tras a que deberá permanecer un mes con escaiola antes de iniciar a pertinente rehabilitación.
O xogador mostrouse afectado pola nova e sobre todo "porque últimamente salgo de una y entro en otra", en relación ás lesións que encadeou dende a súa chegada ao Pontevedra. A pesar diso Fandiño confía en poder poñerse ás ordes de Luisito canto antes e colaborar co equipo no segundo tramo de liga.
Relacionadas:
-
Fran Fandiño, o único granate que non descansa en Nadal
Por Diego Espiño |
-
Fran Fandiño, operado con éxito, xa pensa en acurtar os prazos da súa recuperación
Por Diego Espiño |
-
Comeza a era Luisito nun Pontevedra que xa pensa na visita do Boiro
Por Diego Espiño |
-
Luisito, presentado como novo técnico do Pontevedra: "Vengo con el único objetivo muy marcado, que es ascender"
Por Diego Espiño |