Víctor Rodríguez, única dúbida para un Teucro que afronta con ilusión a Copa do Rei
Por Diego Espiño
A emoción do torneo do KO volve a Pontevedra co encontro de décimo sextos de final entre Sociedad Deportiva Teucro e Ángel Ximénez de Puente Genil.
O Pavillón Municipal dos Deportes será escenario este mércores (20:45 horas) dun choque no que os azuis teñen depositadas moitas esperanzas.
Os xogadores afrontan "ilusionados jugar ante un equipo de Asobal", pero non se conforman con iso: "ya si pasas y viene el Barça...", recoñece Richi Amérigo.
Pero non o terán doado avanzar ata os oitavos de final, nos que entrarán no bombo os mellores equipos da máxima categoría. Antes o Teucro deberá desfacerse a partido único dun equipo moi complicado, segundo o define o técnico pontevedrés Quique Domínguez, no que "destacan sobre todo Chispi, que está entre los máximos goleadores de Asobal, y un jugador tan determinante y difícil de defender como Rafa Baena".
Malia a presenza do pivote Domínguez asegura que non cambiará a forma de xogar do seu equipo, invicto aínda en partido oficial esta tempada: "ellos juegan a pocos goles y nosotros a muchos, ahí estará una las claves, el que consiga llevar el partido a su terreno".
A dúbida nos azuis está na presenza de Víctor Rodríguez, que apenas puido xogar en Antequera por problemas nas costas e, aínda que mellorou nos últimos días, haberá que esperar ata pouco antes do partido para saber se "uno de nuestros pilares en defensa", tal e como o cualifica o seu adestrador, pode participar.