Sapi e Aarón dan tres importantes puntos ao Marcón na visita do Rápido Bahía (2-1)
Por Redacción
Importante triunfo do Marcón Atlético na visita ao Carrasco do Rápido Bahía (2-1).
Os de Carlés, pouco a pouco, seguen sumando para distanciarse dos postos de descenso directo, que quedan agora a sete puntos.
O Marcón, noveno xa na táboa, tivo que empregarse a fondo para lograr os tres puntos ante un rival que non se rendeu ata ao último minuto.
Arrancaron con forza os pontevedreses e pronto Sapi poñía o 1-0 no marcador. Esa vantaxe ampliaríaa Aarón xa na segunda metade no que parecía encarrilar o choque.
Non obstante un tanto de Couñago a falta de cinco minutos apertou as cousas cun Bahía que se envorcou ante a meta de Vladi e tivo opcións de lograr a igualada.
MARCÿN ATLÿTICO (2): Vladi, Álvaro, Pablo, Valiñas (Rodri, min.79), Sapi (Diego Blanco, min.43), Arturo, Aarón, Iván Paz, Santi (Marcos, min.59), Héctor, Martín (Baptiste, min.65).
RÁPIDO BAHÍA (1): Pablo, Diego Rodríguez (Lino, min.79), Colmenero (Isaac, min.76), Camaño, Sergio Nogueira, Alejandro Castro, ÿscar, Alberto, Ferreiro (Sergio, min.46), Alejandro Álvarez (Barreiro, min.60), Couñago.
Árbitro: Iago Castro Peralta. Amoestou aos locais Martín, Pablo, Santi, Arturo e Vladi e aos visitantes Couñago, Sergio, Barreiro e Pablo. Expulsou por dobre amarelo ao adestrador do Marcón, José Manuel Carlés (min.89).
Goles: 1-0 Sapi, min.5; 2-0 Aarón, min.67; 2-1 Couñago, min.85.
Incidencias: Partido disputado no campo do Carrasco, Marcón.