O Teucro supera xa a cifra de socios da pasada tempada
Por Redacción
O bo inicio de tempada, na que só coñece a vitoria tras tres partidos de liga e un de Copa do Rei, parece ter animado os afeccionados da Sociedad Deportiva Teucro a retirar o seu correspondente abono.
Na semana do derbi ante o Academia Octavio o club azul actualizou os datos da súa campaña de socios.
Con preto de 800 abonos vendidos supérase xa a cifra da pasada campaña (746), o que enche de optimismo á directiva no seu obxectivo de chegar o millar de socios.
Como novidade, os socios teucristas beneficiaranse esta tempada de descontos en diferentes establecementos comerciais.
Os primeiros en adherirse a esta lista foron Deportes González, cun 20% de desconto na compra de material deportivo, e o Hotel Hesperia Isla de la Toja, con prezos especiais por exemplo nas sesións termais ou tratamentos.
Os establecementos que se vaian sumando a esta iniciativa serán publicados na web do club www.teucro.com e tamén no seu perfil da rede social Twitter.
Relacionadas:
-
O Teucro, sen confianzas ante o renovado Academia Octavio no derbi provincial
Por Diego Espiño |
-
VIDEO.- 'Juega con nosotros', o Teucro busca apoios á súa campaña de socios
Por Redacción |
-
A metade dos socios do Teucro xa retiraron o seu carné
Por Redacción |
-
Chegar aos 1.000 socios, obxectivo do Teucro nunha campaña de abonados que mantén os prezos
Por Diego Espiño |