15 disciplinas compoñen a oferta das Escolas Deportivas de Vilagarcía
Por Redacción
A Fundación Municipal de Deportes de Vilagarcía abriu o prazo de inscrición para as Escolas Deportivas, que ofertan este ano un total de 15 modalidades deportivas.
Coa novidade da disciplina de zumba infantil, o resto de deportes ofertados son: tenis, fútbol, patinaxe, baloncesto, artes marciais, xadrez, tenis de mesa, béisbol, remo, bádminton, rugby, atletismo, voleibol e esgrima.
As inscricións, para nenos nados entre os anos 1999 e 2005, teñen un custo de 12 euros ao ano e poden entregarse ata o 26 de setembro nas dependencias de Fexdega, en horario de 9:00 a 14:00 horas.
Ademais a Fundación completa a súa oferta cunha Escola de Psicomotricidade para escolares nados entre os anos 2009 e 2010 e a Escola Multideporte, para nenos nados entre 2006 e 2008.
Os nenos con carné da Fundación non deberán pagar, ao igual que as familias con ingresos inferiores ao importe do IPREM correspondente ao ano en curso.
As actividades iniciaranse o luns 6 de outubro.