A fortaleza en casa do Bidasoa ameaza a un Teucro que pretende estrearse a domicilio
Por Diego Espiño
Difícil saída a que afronta este sábado a Socedad Deportiva Teucro (18:30 horas no Pabellón Muncipal de Artaleku de Irún) ante o Bidasoa, terceiro clasificado da División de Honra Prata e imbatido na presente tempada na súa cancha. Catro partidos xogou o histórico conxunto vasco en casa sumando outras tantas vitorias.
Reto complicado para un equipo pontevedrés que aínda non se estreou a domicilio e que afronta dous compromisos ligueiros consecutivos lonxe do Municipal. A este hándicap Javier Barrios debe unir de novo os problemas físicos que seguen dificultando a preparación semanal dos seus.
A peor noticia para o adestrador teucrista é a baixa definitiva de Francesc Asensio "Siscu", que non entrou na convocatoria ao non recuperarse das súas molestias, ao que hai que sumar as ausencias xa coñecidas de Carlos García e Miguel Porto. Os que si viaxaron a Irún co resto da expedición son César Armán e Tomás Moreira, ambos entre algodóns durante toda a semana, ademais de Toño Fernández e Borja Pedreira a pesar de que seguen sen estar ao 100%.
Todos estes problemas condicionarán o xogo do equipo, como recoñece o propio Javier Barrios, "vamos a tratar que la enfermería no se incremente reservando a la gente con problemas y a la vez tratando de ganar el partido".
O Bidasoa será un rival moi difícil a tenor das palabras do preparador pontevedrés, "vamos en su mejor momento pero estamos compitiendo bien en los partidos y no somos menos que nadie, aunque aún no hayamos puntuado fuera tenemos la ilusión de romper esa racha".