O Poio FS avanza na súa preparación coa baixa por lesión de Zulú
Por Redacción
O plantel do Poio FS encara a recta final da pretempada coa vista posta no debut ligueiro do próximo 13 de setembro ante o Viaxes Amarelle.
As vermellas, despois dunha intensa semana na que alternaron sesións de mañá e tarde e con gran carga física da man do preparador físico Daniel Torres, afrontan este sábado un novo amigable, en Viana do Castelo ante o conxunto luso do Santa Luzia.
Gonzalo Iglesias 'Morenín' non poderá contar nesta cita coa súa gardameta Silvia, concentrada coa Selección Española, nin cunha das grandes fichaxes, Ana Carolina 'Zulú', xa que a portuguesa estará 15 días de baixa por unha luxación no xeonllo e chegará moi xusta ao inicio de liga.
Tras este amigable o próximo mércores 3 o Poio recibirá na Seca ao Cidade das Burgas, mentres o sábado 6 será a quenda da Copa Galicia, de novo na casa, ante o Ourense.
Relacionadas:
-
Volve a Primeira División de Fútbol Sala a Poio coa visita do Viaxes Amarelle
Por Redacción |
-
Boas sensacións para o Poio FS que vence (4-2) ao Burela FS no primeiro amistoso de pretempada
Por Redacción |
-
O Poio FS arranca a súa segunda tempada na elite
Por Diego Espiño |
-
O Poio FS estreará a súa segunda tempada na elite ante o Viaxes Amarelle na Seca
Por Redacción |