Cara ou cruz polo ascenso para o Leis no último partido de liga
Por Redacción
ÿltimo asalto para o Leis Pontevedra na súa pelexa polo ascenso á Segunda División B do Fútbol Sala.
Os de Manu Cossío xóganse todo este sábado a domicilio ante o 5 Coruña FS (18:00 horas no pavillón do Barrio das Flores) na xornada definitiva da liga regular.
Tras pasar boa parte da tempada na cabeza da táboa dous meses de malos resultados apertaron a clasificación e agora os lerezanos, tras reaccionar nas últimas semanas, mantéñense con opcións pero non dependen de si mesmos.
A cabeza da táboa rexistra un triplo empate entre A Estrada, Leis e Burela B con 50 puntos, un máis que Santiago Futsal B e dous que Pazos de Borbén, ambos os dous con opcións aínda que reducidas de alzarse co campionato.
Para finalizar en primeiro lugar e garantirse así o ascenso o conxunto pontevedrés deberá gañar en Coruña, ante un equipo que está situado na penúltima posición, e esperar un tropezo da Estrada na difícil cancha do Carballiño FS.
Se se dan esas combinacións o Leis de Manu Cossío lograría praza na categoría de bronce do fútbol sala nacional.