O Teucro pide o apoio da súa afección para gañar ao Bordils e evitarse problemas
Por Redacción
Os últimos resultados da Sociedad Deportiva Teucro en liga descartáronlle da loita polo ascenso, pero a falta de tres xornadas os azuis aínda deben selar a súa permanencia matemática na categoría debido aos cambios no regulamento que inclúen esta tempada un play-off pola permanencia.
A esa fase accederán tres equipos, dos cales só un logrará manterse na División de Honra Prata, descendendo os outros dous xunto ao último da liga regular.
Cada socio poderá levar o partido de balde aos acompañantes que desexe
Nestes momentos, con tres partidos por xogarse, o Teucro encóntrase a tres puntos do décimo terceiro posto que ocupa o Pozoblanco e que marca a loita pola permanencia, polo que o encontro do sábado (20:00 horas) ante o Handbol Bordils cobra un cariz especial ao tratarse dun rival directo dos pontevedreses, posto que se encontran dous puntos por debaixo na clasificación.
Por este motivo a directiva teucrista decidiu reclamar o apoio da súa afección para o encontro, anunciando que cada socio poderá levar de balde ao Pavillón Municipal dos Deportes a todos os acompañantes que desexe.
O obxectivo pasa por lograr un triunfo, co apoio da bancada, que permita aos de Javier Barrios selar a súa continuidade na categoría polo menos de xeito virtual.