Iago Lorenzo e Xenia Vilariño, representación pontevedresa no Campionato de España Universitario
Por Redacción
Murcia acollerá este mércores e xoves, 23 e 24 de abril, o Campionato de España Universitario de Natación coa presenza dalgúns dos mellores nadadores do país.
Entre eles, ademais dos Mireira Belmonte, Melanie Costa ou Marc Sánchez, entre outros, estarán dous deportistas pontevedreses: Iago Lorenzo e Xenia Vilariño.
Ambos os dous forman parte da representación da Universdade de Vigo, que presenta un equipo composto por oito deportistas.
Iago, nadador do Club Natación Galaico de Pontevedra, disputará as probas de 100, 200, 400 e 800 metros estilo libre.
Pola súa banda Xenia, actualmente nas filas do Mataró catalán, nadará os 100 e 200 bolboreta, 200 libre e os 400 estilos.
A formación da Universidade de Vigo complétana: Laura Pimentel, Ezequiel Quiroga, Marc Ciurana e Adrián Blanco (Pabellón Ourense); José Ramón Rey (CN Arzúa); e Carlos Alves (CN Riveira).