Máis de mil padexeiros competirán no Pontillón nas vindeiras dúas fins de semana
Por Redacción
As probas que se disputarán no encoro do Pontillón do Castro durante os dous próximos fins de semana, Campionato Galego de inverno e o Cidade de Pontevedra Nelo Winter Challenge, acollerán máis de mil padexeiros.
O Campionato Galego celebrarase este sábado 22 a partir das 9:30 horas disputándose sobre a distancia de 5.000 metros. ÿ unha proba que marca tamén o inicio oficial da tempada de competición oficial. A esta cita asistirán 32 clubs e 450 padexeiros. Os equipos que presentarán máis deportistas serán As Torres Romería Vikinga con 40 padexeiros; Pontecesures, con 32 e Kayak Tudense e Ciudad de Pontevedra, con 31.
Nesta competición realizaranse un total de sete saídas e participarán as categorías de cadetes, xuvenil, sénior e veteranos, tanto na modalidade de K-1 coma en C-1.
Esta proba, segundo a información facilitada pola Federación Galega de Piragüismo, é unha das máis importante da tempada e servirá como anticipo do Cidade de Pontevedra Nelo Winter Challenge, unha proba de prestixio que se disputará por primeira vez fóra de Portugal. A esta cita acudirán, os días 8 e 9 de marzo, deportistas de vinte países, entre os que se encontran padexeiros que gañaron mundiais ou ocuparon postos de relevancia nos Xogos Olímpicos.