O Mundial de Dúatlon habilita a súa páxina web a 100 días para a súa celebración
Por Redacción
Durante a xornada deste martes, a falta de 100 días para a súa celebración, o Campionato do Mundo de Dúatlon de Pontevedra 2014 inaugurou o seu portal oficial, www.pontevedraduatlon2014.com.
Nel, deportistas e persoas interesadas poderán coñecer todos os aspectos da proba, horarios das diferentes categorías, prezos de inscrición ou voluntariado, achegándose ademais información relativa á cidade e aos aloxamentos dispoñibles.
A web, xunto á páxina de Facebook (www.facebook.com/pontevedraduathlon) e o Twitter (@ITUDUATHLON2014) serán a partir de agora as canles oficiais de comunicación cos deportistas.
A organización continuá barallando unha cifra importante de participación, co obxectivo de chegar aos 1.200 atletas nas diferentes categorías, e para el habilitou a inscrición a través do portal dixital, cuns prezos aprobados de 100 euros pata os duatletas españois e portugueses e 155 para o resto de corredores.
O Mundial de Dúatlon disputarase nun circuíto deseñado polas rúas da cidade os días 31 de maio e 1 xuño.
Relacionadas:
-
A Orquestra Panorama pechará cun concerto os actos do Mundial de Dúatlon
Por Diego Espiño |
-
O Mundial de Dúatlon incluirá un open aberto para deportistas afeccionados
Por Diego Espiño |
-
O Mundial de Dúatlon de Pontevedra mantén a súa data de celebración para o 31 de maio e 1 de xuño
Por Diego Espiño |