Mil palilleiras reivindícanse en Pontevedra
Por Redacción
Os palillos convertéronse nos reis da festa este domingo no Pazo da Cultura. O recinto acolleu a oitava edifición do Encontro de Palilleiras Cidade de Pontevedra e congregou máis de 1.100 artesás desta arte de tecer fíos.
O evento, organizado pola Asociación A Fieitiña de Monte Porreiro, converteu a cidade en epicentro mundial do encaixe de palillos a partir das 10.00 horas da mañá, xa que se congregaron palilleiras chegadas de toda España e mesmo algunhas procedentes de Italia, Uruguai, Portugal ou Alemaña.
Durante a xornada, houbo postos de venda de encaixe e de utensilios para facelo, ademais de demostracións das diversas técnicas e talleres de iniciación e dúas exposicións de traxes rexionais e de época feitos con encaixe.