Contra o temporal, Jazz no Principal co trombonista Toni Berenguer
Por Redacción & Diego Torrado
A música pode con todo, mesmo co mal tempo. Así o demostrou na súa primeira cita o ciclo Jazz no Principal.
O temporal quedou fóra do Teatro Principal e dentro os asistentes puideron gozar doutra tormenta, musical neste caso, da man de Toni Berenguer.
O prestixioso trombonista valenciano foi o protagonista da primeira das citas organizadas polo Seminario Permanente de Jazz, con cuxos alumnos compartiu escenario.
Alumno de grandes mestres como Mike F. Mossman, Ove Larson, Perico Sambeat, Pat Metheny ou Bernardo Sasseti, entre outros, Toni Berenguer é actualmente docente no Conservatorio Superior de Música ' Joaquin Rodrigo' de Valencia, ESMUC (Cataluña) e Musikene (Euskadi).
Jazz no Principal volverá á acción o sábado 24 de marzo coa visita do guitarrista Luís Giménez.