Noites Abertas oferta 29 actividades nesta primeira fin de semana de marzo
Por Oskar Viéitez
29 actividades diferentes deportivas e de lecer, dirixidas a mozas e mozos de 12 a 30 anos. É a oferta do programa Noites Abertas para a primeira fin de semana de marzo. O programa de ocio alternativo para a mocidade que promove a Concellería de Xuventude arrancou o pasado 23 de febreiro e desenvolverase todas as fins de semana até o 28 de abril.
A que é a dezanove edición de Noites Abertas ofertará 97 actividades diferentes, impartidas por 137 monitores.
En colaboración coa Asociación Down Pontevedra "Xuntos", Noites Abertas conta co programa de acompañamento no ocio a mozos con discapacidade intelectual, o que permite formar un grupo con acompañante para acudir ás actividades e participar libremente. As persoas interesadas deberán contactar coa asociación no teléfono 986 865 538.
A axenda de Noites Abertas comezou este venres e continuará este sábado con:
Sábado 3 de Marzo
FROEBEL
- 20.00-22.00 horas. Creación de bufandas con tear
- 20.00-24.00 horas. Tenis de mesa libre
- 20.00-21.30 horas. Hula hoop-hula dance
- 20.30-22.30 horas. Cartomaxia e ilusionismo
- 21.30-23.30 horas. Smoothies terapéuticos
- 21.30-24.00 horas. Customiza a túa roupa e decora
- 22.00-24.00 horas. Gymkana: erre que erre
- 21.30-24.00 horas. Bádminton libre
CASA AZUL
- 20.00-21.00 horas. O árabe nas túas mans
- 20.00-22.00 horas. Cibersexualidade
- 20.00.21.30 horas. Meditación e alquimia taoísta
- 21.30-22.30 horas. Ioga
- 21.30-23.30 horas. Cociña: biscoito de chocolate e cenoura
MULTIUSOS
- 21.00-24.00 horas. Fútbol sala mixto
CAMPO HERBA SINTÉTICA
- 22.00-24.00 horas. Fútbol americano mixto: fútbol flag
LOCAL DE MÚSICA
- 20.00-22.00 horas. Jam Session: guitarra e baixo
- 20.00-22.00 horas. Percusión folk