A pianista Tamar Beraia actuará o próximo xoves para a Sociedad Filarmónica de Pontevedra
Por Redacción
O vindeiro xoves 25 de abril a pianista Tamar Beraia ofrecerá un concerto dentro da tempada musical da Sociedad Filarmónica de Pontevedra. Celebrarase no Teatro Principal e dará comezo ás 20:30 horas. Tamar Beraia ofrecerá en Pontevedra obras de Schubert, Albéniz, Chopin e Liszt.
Tamar Beraia naceu en Tbilisi (Xeorxia) en 1987. Comezou os seus estudos de piano á idade de cinco anos, e en 1992 pasou ao Tbilisi Paliashvili School para nenos superdotados. Bolseira pola Fundación SOS Talent tocou en Suiza, Serbia, Hungría e Francia. En 2003 comezou a estudar no Conservatorio Saradzischwili, onde se graduou en 2009. Desde 2010 estuda na Universidade de Lucerna.
Obtivo o Primeiro Premio no Concurso Internacional de Piano "Balys Dvarionas" (Lituania, 1997) e no Concurso Internacional de Piano "Heinrich Neuhaus" (Rusia, 2000). Na XVII edición do Concurso Internacional de Piano de Santander Paloma O'Shea, en 2012, Beraia gañou o terceiro premio ex-aequo e o Premio do Público Sony. En 2010, gañou o primeiro Concurso Internacional de Piano "Neue Sterne" (Novas Estrelas) celebrado en Wernigerode (Alemaña).