O Exército Ruso de San Petersburgo amosará os seus dotes escénicos en Pontevedra
Por Redacción
O auditorio de Afundación en Pontevedra acollerá o vindeiro venres 19 de xaneiro, a partir das 20.30 horas, un espectáculo do Exército Ruso de San Petersburgo formado por coro, orquestra e ballet.
Serán en total máis de cen artistas os que se suban ao escenario de Pontevedra.
Avalados polo éxito das súas xiras internacionais, o Exército Ruso de San Petersburgo chega a Galicia cun espectáculo no que interpretarán algúns dos temas máis coñecidos do folclore ruso, acompañados de traballadas coreografías e un deslumbrante vestiario.
Máis de 30 millóns de persoas en todo o mundo gozaron das súas voces, os seus bailes e a súa música.
As entradas pódense adquirir na web Ataquilla.com.