'Zaquizamí' pecha a terceira edición do Festival das Cóxegas
Por Diego Torrado
A terceira edición do Festival das Cóxegas baixou o pano este domingo 26 de novembro coa súa cuarta e última función no Pazo da Cultura de Pontevedra.
Fíxoo cunha montaxe de danza para nenos, a partir dos 3 anos de idade, no que os xoguetes abandonados nun faiado cobran vida, buscan novas oportunidades e fan dos seus defectos, virtudes.
Todo un canto á diversidade, á solidariedade e ao espírito de superación co título de 'Zaquimaní', a cargo da compañía Roberto G. Alonso.
O Festival das Cóxegas estivo composto nesta edición por catro espectáculos de danza, teatro e circo fieis á súa filosofía, a de tentar achegar as artes escénicas aos máis pequenos da casa.