Andrea Pousa presentará no Culturgal o seu primeiro álbum en solitario
Por Redacción
O Cullturgal vén de desvelar o que será un dos espectáculos principais da súa décima edición. Trátase do concerto de Andrea Pousa, que presentará en directo os temas que se inclúen no disco Respirar, o seu primeiro traballo musical en solitario. Será o 2 de decembro no auditorio do Pazo da Cultura.
Andrea Pousa defínese como unha artista atlántica e con Respirar pon enriba do escenario os seus anos de experiencia e formación.
Producido polo compositor e músico Nani García, trátase dun disco elaborado con moito gusto que sabe sacar a esencia de Andrea Pousa: creatividade, sensibilidade, dozura e temperamento.
Andrea Pousa estudou canto e interpretación durante máis de dez anos e foi membro do grupo vocal femenino vigués de arte creativa Sueño de Calíope. É, ademais, a voz principal de Keltia O Musical, que transmite a espiritualidade da cultura celta e romana, o seu contacto coa natureza, tradición e a súa esencia.
Con máis de 15 anos de experiencia sobre os escenarios, Andrea Pousa está a presentar por todo o país este disco composto de cancións interpretadas en galego, castelán e portugués. Todas elas son cancións orixinais, excepto unha versión innovadora da coñecida Negra Sombra de Rosalía de Castro e Xan Montes.
O concerto dará comezo ás 21 horas e as entradas xa están á venda en ataquilla.com.
Relacionadas:
-
A Xunta amósase en Culturgal como promotora dunha vintena de actividades
Por Redacción |
-
Culturgal 2017 ábrese a Portugal e á arte contemporánea
Por Anxo Lourido |
-
O Premio do Público do Culturgal, entre lingua, artes escénicas e cinema documental
Por Redacción |
-
A Deputación dedicará o ano 2018 á lingua galega
Por Oskar Viéitez |
-
Culturgal chega ao décimo aniversario fortalecendo a unión con Portugal
Por Redacción |
-
Un espazo de arte contemporánea, novidade para a décima edición do Culturgal
Por Alejandro Espiño |