Def Con Dos, principal atractivo do festival Armadiña Rock
Por Redacción
O festival Armadiña Rock, que se celebrará na praza da Chousa de Combarro entre os días 25 e 28 de agosto, logrou xuntar un dos carteis más completos de todos os eventos musicais que terán lugar en Galicia durante este verán. Un dos seus principais atractivos, segundo confirmaron os seus organizadores, será Def Con Dos.
A banda liderada por César Strawberry é un dos grupos con maior traxectoria no panorama español. Traerá polo mar da ría de Pontevedra as ondas contundentes do seu rap-metal e as súas letras cheas de ironía e cunha forte compoñente de compromiso social.
Xunto a eles, o Armadiña Rock confirmou a presenza dos pontevedreses The Soul Breakers, os composteláns DeLombaos, os bueueses The Skarnivals e o incombustible Leo i arremecaghona -libertador de Coristanco- que regresa por terceira vez ao festival.
Con estas confirmacións, o Armadiña manterá as liñas que o definen dende os seus comezos, xa que o cartel estará composto das mellores bandas galegas e estas estarán acompañadas con bandas de referencia a nivel estatal coma europeo.
Estas bandas súmanse ás que xa foron anunciadas en datas anteriores: Heredeiros da Crus, Talco, Dakidarría, Ruxe Ruxe, Bala, Blues de País, Katai e Brinkadelia Troupe.
O Armadiña Rock conta coa colaboración do Concello de Poio, a Deputación de Pontevedra e a Xunta de Galicia.
Relacionadas:
-
A Festa do Mar chega á 17 edición á espera do recoñecemento como evento de interese turístico
Por Cristina Saiz & Anxo Lourido |
-
O Armadiña Rock completa o cartel da que anuncian como a súa edición "máis ambiciosa"
Por Redacción |
-
David Civera, Xabier Díaz e Radio Cos completan co Armadiña Rock os concertos da Festa do Mar de Combarro
Por Redacción |
-
Herdeiros da Crus, entre as primeiras confirmacións do Armadiña Rock 2017
Por Redacción |