A sétima arte ocupa a rúa
Por Diego Torrado
Despois dunha noite de cinema na rúa, o Festival Internacional, Novos Cinemas, proxecta este domingo a película de animación "A vida de Cabaciña" e o clásico de Terrence Malick "Badlands", antes da entrega de premios ás películas gañadoras nas distintas seccións. A cerimonia dará comezo ás nove da noite no Teatro Principal.
Máis de corenta traballos visionáronse nestes seis días de festa do cinema contemporáneo máis emerxente.
Na sección oficial nove filmes optan aos premios á mellor longametraxe, outorgados polo Xurado Internacional e polo Xurado Novo.
Na sección Latexos, concibida para achegar ao público un cinema máis oculto e emocional, na súa maioría inédito no noso país, compiten outros catro filmes polo Premio Especial Numax.
Ademais, outorgarase por parte do público o premio Cinemas Galicia, de axuda á distribución, en colaboración con Agadic.
Relacionadas:
-
Máis de 2.500 persoas asistiron ás proxeccións do festival Novos Cinemas
Por Redacción |
-
36 leccións de cinema e moitos latexos na pantalla grande
Por Redacción & Mónica Patxot |
-
RADIO.- Matías Piñeiro, en Novos Cinemas: "O diñeiro no cinema é moi perigoso. Nunca vén só"
Por Alejandro Espiño |
-
Matías Piñeiro preside no Principal a inauguración da Edición 02 de Novos Cinemas
Por Alejandro Espiño & Mónica Patxot |