O traxe tradicional galego loce na pasarela da Deputación Provincial
Por Diego Torrado
45 modelos converteron durante a noite deste sábado 10 a zona de entrada do Pazo Provincial da Deputación nunha pasarela de moda tradicional con traxes antigos da historia de Galicia. Baixo o título 'Sete varas, un refaixo' mostráronse máis de 700 pezas de distintas épocas históricas e de distintas comarcas do país.
A Asociación etnográfica Sete Espadelas foi a encargada de organizar este evento que se realiza por primeira vez en Galicia, coa colaboración da Deputación Provincial que celebra o ano do patrimonio e do Concello de Pontevedra.
A pasarela desenvolvíase como un desfile de alta costura cos modelos percorrendo un traxecto desde as escaleiras interiores do Pazo ata a escalinata situada fronte á Alameda. Centos de persoas seguiron o evento desde as 320 butacas instaladas tanto dentro como fóra do edificio provincial.
Ao mesmo tempo que se realizaba o desfile, os membros da asociación comentaban detalles sobre as diferentes indumentarias, algunhas delas pertencentes aos séculos XVIII e XIX, período de maior apoxeo do traxe galego.
Relacionadas:
-
A asociación etnográfica Sete Espadelas de Pontevedra enche o Teatro Colón cos traxes tradicionais
Por Redacción |
-
Os traxes galegos máis vistosos, no Casino Mercantil
Por Redacción |
-
Ollar e desfrutar ollando traxes tradicionais
Por Redacción |
-
O liño e o seu papel na indumentaria tradicional
Por Redacción |
-
Sete Espadelas obtén cinco premios no Certame do traxe tradicional galego en Compostela
Por Redacción |
-
A tradición téxtil galega vinculada ao liño amósase na Casa da Luz ata o 6 de agosto
Por Alejandro Espiño & Mónica Patxot |
-
O Pazo Provincial da Deputación vai converterse en pasarela de traxes tradicionais galegos
Por Redacción |