A forza irresistible de Delafé, próxima cita coas matinés do Teatro Principal
Por Alejandro Espiño
As matinés do Teatro Principal recibirán este sábado 3 de xuño, a partir das 12.00 horas, a unha das bandas máis aclamadas da escena independente española. Trátase de Delafé, que presentarán en directo o seu novo traballo, La fuerza irresistible.
Este disco é o primeiro da nova etapa do grupo, con Óscar D'Aniello á fronte, tras a marcha de Helena Miquel, coa que o catalán compartiu proxecto musical durante máis dunha década.
Xa convertido en solista, Delafé ofrece neste álbum unha auténtica licuadora de sons que planea por diversos estilos sempre abrazando o espírito da música negra.
Todo un arsenal de cancións rompepistas e vitalistas que consolidan unha versatilidade moi pouco común na composición musical: pop, hip-hop, soul, funk, electro, disco, e o inconfundible parafraseado de Delafé, a súa enerxía incombustible e a autoría de mensaxes bala.
As entradas están á venda a través de www.ataquilla.com.
Relacionadas:
-
Delafé e a Orquestra Os Modernos despiden as matinés do Principal
Por Redacción & Diego Torrado |
-
De Vacas promete un concerto para rir e cantar nas Matinés do Principal
Por Redacción |
-
As matinés do Principal vibran co enérxico rock de The Sadies
Por Alejandro Espiño |
-
Marlango, unha 'delicatessen' para inaugurar as matinés do Principal
Por Alejandro Espiño & Mónica Patxot |