Máis de 50 actividades enchen maio de Lingua
Por Redacción
'Maio, mes da lingua' volve recoller diversas actividades durante o mes que entra coa finalidade de potenciar o uso da lingua galega entre os máis novos. Este venres, o concelleiro de Normalización Lingüística Alberto Oubiña presentaba os actos que están previstos durante os vindeiros días.
Tanto el como a técnica do departamento, Conchi Cochón, afirmaban que se trata dun programa de actividades transversal, pensado para todo tipo de público e que, segundo indicaron, resulta independiente da programación desenvolvida durante o curso nos distintos centros de ensino da cidade.
A música, a fotografía, o deporte, o cinema, o teatro e a literatura terán cabida ao longo de maio na cidade de Pontevedra ata o punto de celebrarse máis de cincuenta actividades para a mocidade, ademais de diversos obradoiros.
Estas actividades xa se inician a partir deste venres 28 de abril co Galegote Rock que se prolonga durante o sábado. O luns, primeiro día do mes, chegará a Festa dos Maios á Praza da Ferrería.
Ao longo do mes tamén se desenvoleran obradoiros de Apego para axudar a mellorar a expresión oral daqueles pais que queiran transmitir a lingua galega aos seus fillos.
O luns 8, o Teatro Principal acollerá a proxección de 'A esmorga' a partir das 20.00 horas, con entrada libre, na primeira das sesións cinematográficas que se van programar. O mércores 9 vai levarse a cabo unha camiñada polas rúas literarias de Pontevedra.
O mércores 9 terá lugar un dos acontecementos tradicionais neste mes, o Correlingua, a carreira escolar que partirá da praza da Ferrería.
Ao longo de maio tamén van desenvolverse actividades de Ben Veñas, Maio, con representacións teatrais no Teatro Principal e entregas de premios dos certames literarios e o concurso de música que se levará a cabo o sábado 13 no Pazo da Cultura.
Tamén haberá actividades como partidas simultáneas de xadrez e unha homenaxe cun acto popular na praza Curros Enríquez a Carlos Casares, autor a quen se dedica o Día das Letras Galegas deste ano.
A programación completa poderá ir consultándose no Facebook de Normalización Lingüística do Concello de Pontevedra. Todas os actos son de entrada libre.
Relacionadas:
-
Xornada de 'Apego' en familia na Illa das Esculturas
Por Redacción |
-
Unha festa anima ás familias do proxecto Apego a pasar un día en familia en galego na Illa do Covo
Por Natalia Puga |
-
VIDEO.- 1.354 rapaces de 20 centros de ensino participaron no Correlingua
Por Oskar Viéitez & Mónica Patxot |
-
O Ben Veñas Maio pecha un mes de creatividade escolar co seu certame de música
Por Alejandro Espiño & Alba Sotelo |
-
Aprazan ata o 18 de maio o Correlingua de Pontevedra polo mal tempo
Por Redacción |
-
Unha xigantesca "galiña azul" suscita a curiosidade dos transeúntes na avenida de Montero Ríos
Por Oskar Viéitez |
-
O colexio Froebel gaña o premio ao Maio 2017
Por Cristina Saiz |
-
Un festival de música nas rúas e prazas da man do Galegote Rock
Por Cristina Saiz |
-
Volven os obradoiros de Apego para fomentar a transmisión familiar da língua galega
Por Redacción |