Oliver Laxe impartirá un obradoiro no campus de Pontevedra da man de Novos Cinemas
Por Redacción
Oliver Laxe recolle o testigo de Lois Patiño e impartirá un obradoiro para o alumnado do campus de Pontevedra da Universidade de Vigo en colaboración co festival Novos Cinemas.
Levará o nome de "Correntes" e se desenvolverá en tres sesións nos próximos meses de abril, maio e xuño. A formación estará en todo momento supervisada e titorizada polo cineasta.
En "Correntes", o alumnado achegarase ao río Lérez, ao seu percorrido, á súa canle, ás súas correntes, ao seu caudal, ás súas beiras, a súa fauna e a súa flora, etc. Deste xeito, preténdese facer que os futuros realizadores conciban o cinema como unha ferramenta de descuberta, que aposten por unha praxe cinematográfica e poética e fomentar o desenvolvemento de procesos creativos orgánicos.
Continúa, deste xeito, a clara aposta de Novos Cinemas pola formación continua no eido audiovisual para todas as idades, establecéndose esta liña como un dos seus eixos fundamentais e expandindo as súas actividades máis aló dos límites temporais do festival.
Relacionadas:
-
Oliver Laxe: "Nunca tivera acceso á arte nin ao cinema feito con alma. Tíveno en Pontevedra"
Por Alejandro Espiño & Mónica Patxot |
-
Novos Cinemas aposta por un ambicioso proxecto formativo para a segunda edición do festival
Por Alejandro Espiño |
-
Queres participar no #LAB de Novos Cinemas? Tes de prazo ata o 10 de abril
Por Redacción |
-
O Pazo promete un 2017 "espectacular" para celebrar o seu vixésimo aniversario
Por Alejandro Espiño |
-
A segunda edición de Novos Cinemas celebrarase do 27 de xuño ao 2 de xullo
Por Redacción |
-
A película 'John From', de Joao Nicolau, gañadora do Premio Novos Cinemas
Por Redacción |